Eg har lese artiklane i Dn og Datatilsynet sine råd i forhold til Facebook. Eg er i utgangspunktet forsiktig med kva eg legg ut på nettsamfunn, og har fått bekrefta at det er det god grunn til. Samtidig er det ein skog av forholdsreglar ein kan ta (jfr Nettendenser), og det er ganske tidkrevande å finne ut av korleis sikre seg.
Eg innrømmer at eg blir litt skremd av historier om id-tjuveri.
Eg brukar Facebook og synes det er trivelig, veit ikkje om det er så nyttig, men kjekt å holde kontakten med gamle vener og nære og fjerne slektningar på den måten. Eg ytrar meg av og til, men prøver å overholde regelen om berre å skrive slikt som eg kunne stå på ein talarstol i eit offentleg rom og seie (ref. Arild Nybø).
Eg tenkjer og på kva bilder eg legg ut, ikkje legge ut bilder av andre som ikkje har godkjent det f.eks.
Når det gjeld Facebook i offentleg teneste, ser eg nytten. Biblioteket mitt skal nok få seg ei Facebook-side ganske snart. Det trur eg blir ein fin måte å kommunisere med særleg yngre brukarar, f.eks å legge ut mindre nyheiter og lesetips . Og det er ein grei måte for brukarane å melde tilbake til biblioteket.
Origo er eg også medlem av, men har stort sett berre brukt den til å legge ut oppslag på kalenderen om arrangement på biblioteket.
Ingen kommentarer:
Legg inn en kommentar